അറിയിപ്പ്
  • SlideshowFx Plugin: Refresh token failed
    (invalid_grant)

അഭിരുചി തെളിയും നിറങ്ങള്‍

അഭിരുചി തെളിയും നിറങ്ങള്‍ ഒരു വീടിന് പൂര്‍ണഭാവങ്ങള്‍ നല്‍കുന്നത് ഭംഗിയുള്ള പെയിന്റിങ്ങാണ്. മഞ്ഞിന്റെ നൈര്‍മല്യമുള്ള വെള്ളനിറം മുതല്‍ കടുംചുവപ്പുവരെ വീടുകള്‍ക്ക് നിറങ്ങളാകാറുണ്ട്. ഇഷ്ടനിറങ്ങളിലുള്ള പെയിന്റ് വാങ്ങാന്‍ കിട്ടിയില്ലെങ്കില്‍ കമ്പ്യൂട്ടറില്‍ മിക്‌സ് ചെയ്ത് ഉണ്ടാക്കിയെടുക്കാനും മാര്‍ഗങ്ങളുണ്ട്.
 
ഭംഗി മാത്രമല്ല, ഒരാളുടെ വ്യക്തിത്വത്തെപ്പോലും നിയന്ത്രിക്കാന്‍ നിറങ്ങള്‍ക്ക് കഴിയും. അതുകൊണ്ട് വീട്, ഉപയോഗിക്കുന്നവരുടെ അഭിരുചികള്‍ക്കും താത്പര്യങ്ങള്‍ക്കും അനുസരിച്ച് വേണം നിറങ്ങള്‍ തിരഞ്ഞെടുക്കാന്‍.
 
അകത്തളങ്ങള്‍ക്ക് കടുംനിറങ്ങള്‍
 
മനഃസമാധാനം മോഹിക്കുന്നവര്‍ക്ക് നീലനിറം ആശ്വാസമേകും. കിടപ്പുമുറിയിലും കുട്ടികളുടെ പഠനമുറിയിലും ഈ നിറം ഉപയോഗിക്കാം. ഉണര്‍വ് നല്‍കുന്ന നിറമാണ് മഞ്ഞ. വായനാമുറിക്കും അടുക്കളയ്ക്കും ഈ നിറമാണ് നല്ലത്. പച്ചനിറം പ്രകൃതിയെ അകത്തളങ്ങളിലേക്ക് കൊണ്ടുവന്ന് മനസ്സിനെ തണുപ്പിക്കുന്നു. കിടപ്പുമുറി, ബാത്ത് റൂം എന്നിവയ്ക്ക് ഈ നിറം ചേരും. ഭാവനാത്മകമായ നിറമാണ് വയലറ്റ്. പഠനമുറിക്കും കുട്ടികളുടെ കിടപ്പുമുറിക്കും ചേരുന്ന നിറമാണിത്. തെളിഞ്ഞ അന്തരീക്ഷവും പ്രസന്നതയും നല്‍കുന്നതാണ് ഓറഞ്ച്. ഉണര്‍വേകുന്നതിനൊപ്പം ദഹനസഹായിയാണ് എന്നതിനാല്‍ ഊണ്‍മുറിക്ക് അനുയോജ്യമായ നിറമാണിത്. 
 
കുറച്ചുമാത്രം ഉപയോഗിക്കുന്ന നിറമാണ് കറുപ്പ്. ഇതില്‍ വെള്ള ചേര്‍ത്താല്‍ ചാരനിറമാകും. ചാരനിറം ഏതു മുറിയിലും അനുയോജ്യമാണ്. വെള്ളനിറം മറ്റു നിറങ്ങള്‍ക്ക് പാശ്ചാത്തലമൊരുക്കുന്നു. നിര്‍ജീവമായ വെളുപ്പ് ശൂന്യത ജനിപ്പിക്കുന്നു എന്നതിനാല്‍ അകത്തളങ്ങള്‍ക്ക് ഉണര്‍വേകുന്നില്ല.
 
പുറംഭിത്തികള്‍ക്ക് ഇളംനിറം
 
പൗറംഭിത്തികളില്‍ ഇളംനിറങ്ങളാണ് ഉചിതം. ഇളം നിറങ്ങള്‍ക്ക് സൂര്യപ്രകാശത്തെ പ്രതിഫലിപ്പിക്കാനുള്ള കഴിവുള്ളതിനാല്‍ ചുടു കുറയും. കടുത്ത നിറം വേണമെന്നുള്ളവര്‍ക്ക് വീടിന്റെ വടക്ക്-കിഴക്കന്‍ ഭാഗങ്ങളില്‍ ഉപയോഗിക്കാം. തെക്ക്-പടിഞ്ഞാറന്‍ ഭാഗങ്ങളില്‍ ഇളം നിറങ്ങള്‍ മതി. കടും ചാരനിറം, ചുവപ്പ്, പച്ച, മഞ്ഞ എന്നിവയ്ക്ക് ചൂട് കൂടുതലാണ്. ഇളം ചാരനിറം, വെള്ള, ക്രീം നിറങ്ങള്‍ക്ക് ചൂട് കുറയും.
 
പെയിന്റ് വാങ്ങുമ്പോള്‍
 
പെയിന്റുകള്‍ മൂന്നു തരമുണ്ട്. ഡിസ്റ്റംബര്‍, എമല്‍ഷന്‍, ടെക്‌സ്‌ചേര്‍സ്. പേസ്റ്റ് രൂപത്തില്‍ കട്ടിയുള്ള പെയിന്റാണ് ഡിസ്റ്റംബര്‍. അക്രിലിക്, സോള്‍വന്റ് ബേയ്‌സ് എന്നിങ്ങനെ രണ്ടുതരം ഡിസ്റ്റംബര്‍ ഉണ്ട്. അക്രിലിക് ഡിസ്റ്റംബര്‍ അകത്തളങ്ങളില്‍ സീലിങ്ങിനാണ് ഉപയോഗിക്കുന്നത്. എമല്‍ഷനെ അപേക്ഷിച്ച് ഡിസ്റ്റംബര്‍ പരുക്കനാണ്. പൊടിരൂപത്തില്‍ ആയതിനാല്‍ മിക്‌സ് ചെയ്‌തെടുക്കണം. അതുകൊണ്ട് കൂലിച്ചെലവ് കൂടും. ഡിസ്റ്റംബറിന് കിലോക്ക് 35 മുതല്‍ 65 രൂപ വരെയാണ് വില.
 
അകത്തളങ്ങളില്‍ എമല്‍ഷന്‍ ഉപയോഗിക്കുന്നതാണ് നല്ലത്. എമല്‍ഷനുകള്‍ കൂടുതല്‍ കാലം നില്‍ക്കുന്നതും മിനുസമേറിയതുമാണ്. ഇത് ഭിത്തിക്ക് ക്ലാസിക് ഭംഗി നല്‍കുന്നു. ചളിപുരണ്ടാല്‍ കഴുകി വൃത്തിയാക്കാനും പറ്റും. എമല്‍ഷന്‍ മൂന്നു തരത്തിലുണ്ട്. ഇക്കണോമി, പ്രീമിയം, ഹൈപ്രീമിയം. ഇക്കണോമി എമല്‍ഷന്‍ രണ്ടു കോട്ട് അടിക്കണം. ഇതിന് കവറേജ് (ഒരു ലിറ്റര്‍ പെയിന്റുകൊണ്ട് അടിക്കാവുന്ന ഏരിയ) കുറവാണ്. ലിറ്ററിന് 100 മുതല്‍ 120 ചതുരശ്രഅടിവരെയാണ് കവറേജ്. 80 മുതല്‍ 130 രൂപ വരെയാണ് ഒരു ലിറ്റര്‍ പെയിന്റിന് വില.
പ്രീമിയം രണ്ടു കോട്ട് വേണം. ഇതില്‍ കവറേജ് 260 ചതുരശ്രഅടിവരെ കിട്ടും. അതുകൊണ്ട് ഇക്കണോമി 40 ലിറ്റര്‍ ഉപയോഗിക്കുന്നതിനു പകരം പ്രീമിയം 20 ലിറ്റര്‍ ഉപയോഗിച്ചാല്‍ മതി.
 
ഹൈപ്രീമിയം എമല്‍ഷനില്‍ ക്രോസ് ലിങ്ക്ഡ് പോളിമര്‍ ആണ് ഉപയോഗിക്കുന്നത്. അതുകൊണ്ട് ചുമരില്‍നിന്ന് അടര്‍ന്നുവീഴാത്തവിധം പതിഞ്ഞുനില്‍ക്കും. കറപിടിച്ചാല്‍ ടര്‍പന്റൈന്‍ ഓയിലോ, വെള്ളമോ ഉപയോഗിച്ച് കഴുകിക്കളയാനും സാധിക്കും. 10 വര്‍ഷം വരെ പെയിന്റിന് മങ്ങലേല്‍ക്കില്ല. കണ്ണാടിപോലുള്ള ഫിനിഷിങ്ങാണ് മറ്റൊരു പ്രത്യേകത.
പെയിന്റിലെ പുതിയ ട്രെന്‍ഡാണ് ടെക്‌സ്‌ചേര്‍സ് പെയിന്റ്. ഇതു കാഴ്ചയ്ക്ക് അതിഭംഗി നല്‍കുന്നു. ഇത് മൂന്നു കോട്ടുകള്‍ വരെ അടിക്കണം. ചതുരശ്രഅടിക്ക് 65 രൂപ വരെയാണ് ചെലവ്.
 
പെയിന്റിങ് എങ്ങനെ
 
അകത്തളങ്ങളിലെ തേച്ച ചുവരില്‍ പുട്ടിയിട്ട് മിനുക്കിയശേഷം പെയിന്റ് ചെയ്യുക എന്നതാണ് നിലവിലുള്ള രീതി. പുട്ടിയിടുമ്പോള്‍ ചുമരിലെ സുഷിരങ്ങള്‍ അടഞ്ഞ് മിനുസമുള്ളതായി മാറും. ഇത് രണ്ടു കോട്ട് അടിക്കണം. ഒരു കോട്ട് കഴിഞ്ഞ് ഒരു ദിവസത്തിനുശേഷം രണ്ടാമത്തെ കോട്ട് അടിക്കുന്നതാണ് നല്ലത്. പുട്ടിയോടൊപ്പം പ്രൈമര്‍ കോട്ടും അടിച്ചിരിക്കണം. പുട്ടിയില്‍ത്തന്നെ രണ്ടു തരമുണ്ട്. സിമന്റ് ബെയ്‌സ്, അക്രിലിക് ബെയ്‌സ്. സിമന്റ് ബെയ്‌സ് പുട്ടിക്ക് 20 കിലോ ബാഗിന് 680 രൂപയാണ് വില.
 
അക്രിലിക് പുട്ടി ദ്രാവകരൂപത്തിലാണ്. ആദ്യകോട്ട് പ്രൈമര്‍ അടിച്ചതിനുശേഷമാണ് അക്രിലിക് പുട്ടി ഉപയോഗിക്കുന്നത്. ഇതിനുശേഷം എമല്‍ഷന്‍ ഉപയോഗിക്കുന്നു. അകത്തളങ്ങളില്‍ ഉപയോഗിക്കുന്ന അക്രിലിക് പൂട്ടി 20 കിലോ ബാഗിന് 900 രൂപയും പുറത്തേക്കുള്ളതിന് 1200 രൂപയുമാണ് വില.
 
വീട് പണിയുമ്പോള്‍ അതോടൊപ്പംതന്നെ പുട്ടിയും ചേര്‍ത്ത് പെയിന്റ് ചെയ്യുന്നതാണ് നല്ലത്. കാരണം നിലവില്‍ പെയിന്റ് ചെയ്തിരിക്കുന്ന ചുവരില്‍ പുട്ടിയിടുകയാണെങ്കില്‍ അക്രിലിക് പുട്ടിമാത്രമേ ഉപയോഗിക്കാന്‍ സാധിക്കൂ.
 
പുറംഭിത്തിയില്‍ പുട്ടി ഉപയോഗിക്കുന്നത് കുറവാണ്. നല്ല കാഴ്ച എത്തുന്നിടത്ത് സിറ്റൗട്ട്, കാര്‍പോര്‍ച്ച്, പൂമുഖം എന്നിവിടങ്ങളില്‍ മാത്രമാണ് പുട്ടിയിട്ടതിനുശേഷം എമല്‍ഷന്‍ അടിക്കുന്നത്. പുറംഭിത്തിയില്‍ പെയിന്റ് ചെയ്യുമ്പോള്‍ പൂപ്പല്‍ തടയുന്ന (ആല്‍ഗി റെസിസ്റ്റന്റ് എക്സ്റ്റീരിയര്‍) പെയിന്റ് അടിച്ചതിനുശേഷം രണ്ടു കോട്ട് എമല്‍ഷന്‍ അടിക്കണം. നല്ല ഗുണമേന്മ കിട്ടാനായി പുറത്ത് പെയിന്റ് ചെയ്യുമ്പോള്‍ പെയിന്റില്‍ കുറച്ചേ വെള്ളം ചേര്‍ക്കാവൂ. അകത്തളങ്ങളില്‍ 350 എം.എല്‍. വെള്ളം ഒരു ലിറ്റര്‍ പെയിന്റില്‍ ചേര്‍ക്കുമ്പോള്‍ പുറത്തെ പെയിന്റില്‍ 150-200 എം.എല്‍. വെള്ളമേ ചേര്‍ക്കാവൂ.
 
കമ്പികളില്‍ ഇനാമല്‍ പെയിന്റാണ് ഉപയോഗിക്കുക. സാന്‍ഡ് പേപ്പര്‍ ഉപയോഗിച്ച് വൃത്തിയാക്കി തുടച്ചശേഷം പ്രൈമര്‍ അടിക്കുക. പ്രൈമര്‍ രണ്ടു കോട്ട് ആകാം. നനയുന്നിടത്താണെങ്കില്‍ സിന്‍ക്രൊമൈറ്റ് പ്രൈമര്‍ നല്ലത്. അതിനുശേഷം രണ്ടു കോട്ട് ഇനാമല്‍ പെയിന്റടിക്കാം.
 
പെയിന്റിങ് തുടങ്ങും മുന്‍പ് ശ്രദ്ധിക്കാന്‍
 
1. ഇലക്ട്രിക്കല്‍, പ്ലംബിങ് ജോലികള്‍ തീര്‍ന്നശേഷമേ പെയിന്റിങ് തുടങ്ങാവൂ.
2. പെയിന്റിങ് കരാര്‍ അടിസ്ഥാനത്തിലാണ് ഏല്‍പ്പിക്കാന്‍ ആഗ്രഹിക്കുന്നതെങ്കില്‍ പെയിന്റുകള്‍, പുട്ടി, സീലര്‍, എമല്‍ഷന്‍ എന്നിവയുടെ ഗുണനിലവാരം, ഉപയോഗിക്കുന്ന രീതി എന്നിവ എഴുതിവാങ്ങണം.
3. പ്രൈമറിന്റെ പുറത്തേ പെയിന്റ് ചെയ്യാവൂ. പുട്ടിയുടെ പുറത്ത് പെയിന്റ് ചെയ്യരുത്. വിള്ളലുകളും കുഴികളും നികത്തുന്നതിനാണ് പുട്ടി അടിക്കുന്നത്.
4. പെയിന്റ് ചെയ്യുന്നതിനുമുമ്പ് ചുമര്‍ പ്ലാസ്റ്റര്‍ ചെയ്തത് നന്നായി ഉണങ്ങിയെന്ന് ഉറപ്പാക്കണം.
5. ഭിത്തിയില്‍ ഈര്‍പ്പം വറ്റാതെ നില്‍ക്കുന്നുണ്ടെങ്കില്‍ കാരണങ്ങള്‍ കണ്ടെത്തി പരിഹരിച്ചശേഷംമാത്രം പെയിന്റ് ചെയ്യുക.
6. മഴ നേരിട്ട് വീഴുന്ന ചുമരുകള്‍ക്ക് വാട്ടര്‍പ്രൂഫ് പെയിന്റുകള്‍ ഉപയോഗിക്കാം.
7. എമല്‍ഷനും ടെക്‌സ്ചറുകളും വെള്ളവും സോപ്പുമുപയോഗിച്ച് വൃത്തിയാക്കാം. പക്ഷേ, ഡിസ്റ്റംബര്‍ വെള്ളം ഉപയോഗിക്കാതെ ഉണങ്ങിയ തുണികൊണ്ട് തുടച്ച് വൃത്തിയാക്കണം.
 
കടപ്പാട്: മാത്രഭൂമി

Add comment

Comment policy: കമന്റുകൾ ഇഗ്ലീഷിലോ, മലയാളത്തിലോ ആകാം. മംഗ്ലീഷ് കമന്റുകൾ പ്രസിദ്ധീകരിക്കുന്നതല്ല. കമന്റുകൾ അത് എഴുതുന്നവരുടെ മാത്രം അഭിപ്രായമാണ്, ഐപത്രത്തിന്റെ ആയിരിക്കണമെന്നില്ല. Click here to type Malayalam

Security code
Refresh

{sfx ...}#0 /var/www/vhosts/27/327430/webspace/httpdocs/ipathram.com/plugins/content/slideshowfx/models/model.php(786):
     sfxModelPicasa->refreshToken()
#1 /var/www/vhosts/27/327430/webspace/httpdocs/ipathram.com/plugins/content/slideshowfx/models/model.php(854):
     sfxModel->getToken()
#2 /var/www/vhosts/27/327430/webspace/httpdocs/ipathram.com/plugins/content/slideshowfx/controller.php(527):
     sfxModel->getItem(Array, 1, Object(stdClass))
#3 /var/www/vhosts/27/327430/webspace/httpdocs/ipathram.com/plugins/content/slideshowfx/controller.php(680):
     sfxController->browseArticle('{sfx api='picas...', Object(stdClass))
#4 /var/www/vhosts/27/327430/webspace/httpdocs/ipathram.com/plugins/content/slideshowfx/slideshowfx.php(214):
     sfxController->display('{sfx api='picas...')
#5 /var/www/vhosts/27/327430/webspace/httpdocs/ipathram.com/plugins/content/slideshowfx/slideshowfx.php(542):
     plgContentSlideshowfx->treatContent(Object(stdClass))
#6 [internal function]: plgContentSlideshowfx->onSlideshowFxCall(Object(stdClass), Object(JRegistry))
#7 /var/www/vhosts/27/327430/webspace/httpdocs/ipathram.com/libraries/joomla/event/event.php(71):
     call_user_func_array(Array, Array)
#8 /var/www/vhosts/27/327430/webspace/httpdocs/ipathram.com/libraries/joomla/event/dispatcher.php(161):
     JEvent->update(Array)
#9 /var/www/vhosts/27/327430/webspace/httpdocs/ipathram.com/plugins/content/slideshowfx/helpers/helper.php(109):
     JDispatcher->trigger('onSlideshowFxCa...', Array)
#10 /var/www/vhosts/27/327430/webspace/httpdocs/ipathram.com/plugins/content/slideshowfx/helpers/helper.php(68):
     sfxHelper::call(Object(JRegistry))
#11 /var/www/vhosts/27/327430/webspace/httpdocs/ipathram.com/modules/mod_slideshowfx/mod_slideshowfx.php(91):
     sfxHelper::render(Object(JRegistry))
#12 /var/www/vhosts/27/327430/webspace/httpdocs/ipathram.com/libraries/joomla/application/module/helper.php(173):
     include('/var/www/vhosts...')
#13 /var/www/vhosts/27/327430/webspace/httpdocs/ipathram.com/libraries/joomla/document/html/renderer/module.php(107):
     JModuleHelper::renderModule(Object(stdClass), Array)
#14 /var/www/vhosts/27/327430/webspace/httpdocs/ipathram.com/libraries/joomla/document/html/renderer/modules.php(39):
     JDocumentRendererModule->render(Object(stdClass), Array, NULL)
#15 /var/www/vhosts/27/327430/webspace/httpdocs/ipathram.com/libraries/joomla/document/html/html.php(371):
     JDocumentRendererModules->render('absolute', Array, NULL)
#16 /var/www/vhosts/27/327430/webspace/httpdocs/ipathram.com/libraries/joomla/document/html/html.php(652):
     JDocumentHTML->getBuffer('modules', 'absolute', Array)
#17 /var/www/vhosts/27/327430/webspace/httpdocs/ipathram.com/libraries/joomla/document/html/html.php(433):
     JDocumentHTML->_renderTemplate()
#18 /var/www/vhosts/27/327430/webspace/httpdocs/ipathram.com/includes/application.php(268):
     JDocumentHTML->render(false, Array)
#19 /var/www/vhosts/27/327430/webspace/httpdocs/ipathram.com/index.php(48):
     JSite->render()
#20 {main}