"പ്രേമബുസാട്ടോ " വരുന്നേ .., കാണാൻ ഒരുങ്ങിക്കോളിൻ ...

premabusatto 71b2d

ഏപ്രിൽ 13 ശനിയാഴ്ച അയർലണ്ടിലേക്ക് "പ്രേമബുസാട്ടോ " വരുന്നു... തീയതി കുറിച്ച് വച്ചോളു... കണ്ണും മനസ്സും നിറക്കുന്ന കാഴ്ചകൾക്കായി ഒരുങ്ങി ഇരുന്നോള്ളു ......

കേരളത്തിൽനിന്ന് എത്തിയിരിക്കുന്ന പ്രശസ്ത നാടക സംവിധായകൻ ഡോ .സാംകുട്ടി പട്ടംകരി രചനയും സംവിധാനവും നിർവഹിച്ചു , "മലയാളം" സംഘടന നിർമിക്കുന്ന നാടകമാണ് "പ്രേമബുസാട്ടോ" .

നാടക കലയുടെ മുഴുവൻ സാധ്യതകളെയും അരങ്ങിലേക്കെത്തിക്കുന്ന ഈ നാടകത്തിന്റെ ഒരുക്കങ്ങൾ അണിയറയിൽ തകൃതിയായി നടക്കുകയാണ് ..ഈ നാടകം ഒരുക്കി അരങ്ങിലേക്കെത്തിക്കുക എന്ന ദൗത്യവുമായാണ് അദ്ദേഹം രണ്ടു മാസത്തെ കാലയളവിലേക്കായി അയർലണ്ടിൽ എത്തിയിരിക്കുന്നത് . വിദേശരാജ്യങ്ങളിൽ ഉൾപ്പെടെ 350 ഓളം നാടകങ്ങൾ അരങ്ങിൽ എത്തിച്ച ഡോ. സാംകുട്ടി പട്ടംകരിയുടെ അനുഭവത്തിന്റെയും പ്രതിഭയുടെയും കരുത്തിൽ "പ്രേമബുസാട്ടോ " അവിസ്മരണീയമായിരിക്കും എന്ന് നൂറു ശതമാനവും ഉറപ്പിക്കാം ..

ഏപ്രിൽ 13 ശനിയാഴ്ച വൈകുന്നേരം കൃത്യം 5 .30 ന് താലയിലെ സൈന്റോളജി ഓഡിറ്റോറിയത്തിൽ ഈ നാടകത്തിന്റെ കേളികൊട്ട് ഉയരുമ്പോൾ , പുതിയകാഴ്ചകളുടെ അനുഭവതലങ്ങളിലേക്കു മലയാളികളുടെ മനസ്സുകളും ഉയരുകയാവും ..പ്രവാസികൾക്ക് ഗതകാല സ്മരണകൾ അയവിറക്കാനും ,പുതിയ തലമുറയ്ക്ക് നാടകമെന്തെന്നു നേരിട്ടു അനുഭവിച്ചറിയാനും ഒരു സുവർണാവസരം ഒരുങ്ങുകയാണ് . ...അയർലണ്ടിന്റെ നാനാ ഭാഗത്തുനിന്നും ഉള്ള ഏതാണ്ട് 20 ഓളം കലാകാരന്മാർ ദിവസവും ഡോ. സാംകുട്ടി പട്ടംകരിയുടെ ശിക്ഷണത്തിലും നേതൃത്വത്തിലും നാടകത്തിന്റെ ഒരുക്കങ്ങളിലും റിഹേഴ്സലുകളിലും മുഴുകിയിരിക്കുകയാണ് ...ഇനി കാത്തിരിപ്പിന്റെ നാളുകളാണ് .....

കൂടുതൽ വിവരങ്ങൾക്ക് ബന്ധപെടുക

Eldho 089 4126421
Vijay 087 7211654
Basil 087 7436038